Mediante Resolución da Alcaldía do 27.12.2013 aprobouse inicialmente o estudo de detalle que promove a Xunta de Compensación do polígono 2 da área de repartición número 1 Río Carboeiro 1, do Plan xeral de ordenación municipal do Concello de Oroso.

O obxecto do dito estudo de detalle é reaxustar as aliñacións do bloque 6 do proxecto de compensación do dito polígono.

Sométese o expediente a información pública e audiencia dos interesados durante o prazo de 20 días, contados a partir do seguinte ao da publicación do presente anuncio no Diario Oficial de Galicia (artigo 73 e concordantes da Lei 9/2002, do 30 de decembro, de ordenación urbanística e de protección do medio rural de Galicia).

Durante este período o expediente está á disposición de calquera que queira examinalo, para os efectos de presentar alegacións e suxestións que se consideren pertinentes.

Oroso, 27 de decembro de 2013

Manuel Mirás Franqueira
Alcalde