Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Concello de Ribeira.

Domicilio social: praza do Concello, s/n, 15960 Ribeira.

Denominación: CS e CT de 160 kVA para EDAR.

Situación: Corrubedo, polígono 42, parcela 1475, Ribera.

Características técnicas: centro de seccionamento e centro de transformación de 160 kVA en caseta prefabricada, refrixeración en aceite.

Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, segundo os artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

A Coruña, 15 de xaneiro de 2014

Susana Vázquez Romero
Xefa territorial da Coruña