Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Sociedad Electricista de Tui, S.A.
Domicilio social: rúa Coruña, 20, 36700 Tui.
Denominación: reforma e ampliación de potencia CT Malvas e LMT.
Situación: Tui.
Características técnicas: adecuación do centro de transformación Malvas, situado na Cruz, Tui, consistente na instalación de celas baixo envolvente metálica e illadas en SF6, con telemando, colocación dos armarios de remota e motorización das celas de media tensión; instalación dun transformador de 160 kVA, con R.T. 20 kV/400 V e conexión coa rede de alta tensión mediante un paso aerosubterráneo e 75 metros de LMT con condutor RHZ1.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial, resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpor calquera outro recurso que considere pertinente ao seu dereito.
Pontevedra, 29 de novembro de 2013
Ignacio Rial Santomé
Xefe territorial de Pontevedra
