A Asociación de Propietarios de Embarcacións da 7ª lista Robaleira de Bueu solicitou a este ente público unha concesión administrativa no dominio público portuario do porto de Bueu con destino á construción e explotación dun pantalán para atracada de embarcacións deportivas no porto de Bueu.

O que, en cumprimento do artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, aplicable en defecto de lexislación autonómica propia, se fai público para que nun prazo dun (1) mes, contado a partir do día seguinte ao da publicación do presente anuncio no Diario Oficial de Galicia, poidan presentarse outras solicitudes que teñan o mesmo ou distinto obxecto que aquela, debendo reunir os requisitos previstos no artigo 84 do citado Real decreto lexislativo 2/2011.

As solicitudes poderán presentarse mediante escrito dirixido ao presidente do ente público Portos de Galicia, sito no Edificio de Área Central, 5-A, 6º, 15706 Santiago de Compostela. O plano de localización da concesión solicitada atópase á disposición do público para o seu exame en horas de oficina, nas citadas oficinas en Santiago de Compostela e na páxina web www.portosdegalicia.es.

Santiago de Compostela, 23 de decembro de 2013

José Juan Durán Hermida
Presidente de Portos de Galicia