A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, polo que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán, aos organismos responsables na Comunidade Autónoma, a homologación dos ditos cursos e, no seu artigo 9, a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.
En consecuencia, anúnciase a realización dun curso de aplicador/manipulador de biocidas, nivel cualificado, homologado polas direccións xerais de Saúde Pública do Ministerio de Sanidade e Política Social, e de Agricultura do Ministerio de Medio Ambiente, Rural e Mariño, solicitado pola entidade Biocontrol y Calidad Alimentaria, S.L.U., de acordo coas seguintes bases:
1. Denominación do curso.
Curso para a capacitación de aplicadores/manipuladores de produtos biocidas de uso ambiental e na industria alimentaria, nivel cualificado.
2. Entidade organizadora.
Biocontrol y Calidad Alimentaria, S.L.U.
3. Data.
Os días 3, 4, 5, 6, 10, 11, 12, 13, 17, 18, 19 e 20 de febreiro de 2014.
4. Lugar de celebración.
Instalacións Escurís, S.L.
A Baiuca, s/n
15940 A Pobra do Caramiñal (A Coruña)
5. Número de prazas.
Máximo 30 alumnos.
6. Dirixido a.
Todo o persoal auxiliar dos servizos de aplicación de biocidas de uso ambiental e na industria alimentaria, non clasificados como moi tóxicos, e persoal de establecementos.
7. Criterios de selección.
Por rigorosa orde de recepción de inscricións.
8. Presentación de solicitudes.
Solicitude segundo o modelo do anexo.
9. Programa.
Día 3.2.2014 |
|
18.00-23.10 horas |
Biocidas. Concepto de biocida. Historia. Composición. Utilización de biocidas. Clasificación dos biocidas. Lexislación aplicable aos biocidas. |
Día 4.2.2014 |
|
18.00-23.10 horas |
Biocidas: clasificación-almacenamento-transporte. Lexislación aplicable aos biocidas. A etiqueta dos envases dos biocidas. Etiquetaxe. |
Día 5.2.2014 |
|
18.00-23.10 horas |
Biocidas: formulación-preparación de biocidas. Lexislación de aplicación. Produtos utilizados. Práctica-preparación de disolucións. |
Día 6.2.2014 |
|
18.00-23.10 horas |
Riscos para o home derivados do uso de biocidas. Prevención de riscos laborais. Relación traballo-saúde. Toxicidade dos biocidas. Estudos de letalidade. Efectos tóxicos. Seguridade laboral. Seguridade non laboral. Frases H. Frases P. |
Día 10.2.2014 |
|
18.00-23.10 horas |
Criterios de prevención de intoxicación por praguicidas. Condutas que se deberán seguir no caso de intoxicación. Antídotos. Práctica: primeiros auxilios. Masaxe cardíaca. |
Día 11.2.2014 |
|
18.00-23.10 horas |
Técnicas de aplicación de biocidas. Descrición dos equipamentos mecánicos. Métodos de loita antivectorial: químicos e biolóxicos. Tipos de embocaduras. |
Día 12.2.2014 |
|
18.00-23.10 horas |
As pragas. Historia ecolóxica das pragas. Clasificación e características. Pragas urbanas. Bioloxía das pragas urbanas. |
Día 13.2.2014 |
|
18.00-23.10 horas |
As pragas. Pragas de interese en saúde pública. Pragas de insectos. Práctica: identificación. |
Día 17.2.2014 |
|
18.00-23.10 horas |
As pragas. Pragas urbanas. Pragas doutros insectos e ácaros. Microorganismos produtores de enfermidades: bacterias e fungos. Práctica: identificación. |
Día 18.2.2014 |
|
18.00-23.10 horas |
Pragas de roedores. Aves. Métodos de loita antivectorial. Métodos físicos e mecánicos. Métodos biolóxicos. Práctica: manexo de cebos. |
Día 19.2.2014 |
|
18.00-23.10 horas |
Biocidas e ambiente. Residuos de biocidas e contaminación. Medidas preventivas de contaminación do ambiente. Alteracións do equilibrio ecolóxico. |
Día 20.2.2014 |
|
18.00-23.10 horas |
Biocidas e ambiente. Eliminación de envases. Pautas. Problemas derivados. Avaliación. |
10. Certificado de superación do curso.
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co que poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel cualificado.
Santiago de Compostela, 8 de xaneiro de 2014
Sonia Martínez Arca
Directora xeral de Innovación e Xestión da Saúde Pública
ANEXO
Ficha de solicitude de inscrición
Curso para a capacitación de aplicadores/manipuladores de produtos biocidas. Nivel cualificado
Entidade organizadora: Biocontrol y Calidad Alimentaria, S.L.U.
Datas: os días 3, 4, 5, 6, 10, 11, 12, 13, 17, 18, 19 e 20 de febreiro de 2014.
Lugar de celebración do curso:
Instalacións Escurís, S.L.
A Baiuca, s/n
15940 A Pobra do Caramiñal (A Coruña)
Duración: 60 horas teórico-prácticas e 1 hora de avaliación.
Horario: das 18.00 ás 23.10 horas.
Nº de prazas: máximo 30 alumnos.
Presentación de solicitudes: enviaranse a Biocontrol; avenida Primo de Rivera, nº 4, 2º, local 6-7, 15006 A Coruña. Teléfono: 981 24 54 18. Fax: 981 16 81 59, correo electrónico biocontrol@biocontrolbcl.com, acompañadas do xustificante de pagamento.
Criterio de selección: por rigorosa orde de recepción da solicitude e xustificante de pagamento.
–––––––––––––––––––––––––––––––––––––––––––––––––––––––––––––––––
EMPRESA: ............................................................................................................................
CIF: ........................................................................................................................................
ENDEREZO: .........................................................................................................................
LOCALIDADE: .......................................................................................................................
TELÉFONO: ......................................... FAX: ........................................................................
CORREO ELECTRÓNICO: ...................................................................................................
APELIDOS: ...........................................................................................................................
NOME: ...................................................................................................................................
NIF: ........................................................................................................................................