Por acordo do Pleno do Concello de Cambre, na súa sesión do 28 de novembro de 2013 acordou aprobar definitivamente o Plan de sectorizacion do solo apto para urbanizar-baixa densidade número 8, sito en Quintán, parroquia de Cecebre, previsto nas normas subsidiarias do planeamento de Cambre, elaborado polo arquitecto Andrés Soto Núñez e promovido por General de Terrenos y Edificios, S.L.

O que se fai público de conformidade co establecido no artigo 92.2 da Lei 9/2002, de ordenación urbanística e protección do medio rural de Galicia.

Así mesmo, faise constar que o dito acordo aprobatorio, así como dous exemplares deste plan de sectorización remitíronse con data do 11 de decembro de 2013 a Consellería de Medio Ambiente, Territorio e Infraestruturas, para os efectos previstos no punto 3 do artigo 92 citado.

Contra este acordo non se poderá recorrer en vía administrativa, senón tan só a través do correspondente recurso contencioso-administrativo, de conformidade cos artigos 107.3 da Lei 30/1992, de réxime xurídico das administracións públicas e do procedemento administrativo común, e 85.11 da Lei 9/2002, de ordenación urbanística e protección do medio rural de Galicia.

O prazo para interpoñer o recurso contencioso-administrativo é de dous meses contados desde o día seguinte á última publicación deste anuncio, e deberá presentalo perante o Xulgado do Contencioso-Administrativo da Coruña ou a Sala do Contencioso-Administrativo do Tribunal Superior de Xustiza de Galicia, segundo a distribución competencial establecida nos artigos 8 e 10 da Lei 29/1998, do 13 de xullo, reguladora da xurisdición contencioso-administrativa.

Cambre, 11 de decembro de 2013

P.D. (R.A. nº 1000/2011, do 17 de xuño)
Rocío Vila Díaz
Concelleira delegada da Área de Urbanismo e Medio Ambiente