María Adelaida Egurbide Margañón, secretaria do Xulgado do Social número 2 da Coruña, fai saber que por resolución ditada no día da data, no proceso seguido por instancia de Vanesa Fuenteseca García contra Gam Noroeste, S.L. (actualmente Gam España Servicios de Maquinaria, S.L.U.), en reclamación por ordinario, rexistrado co número 1/2012, se acordou, en cumprimento do que dispón o artigo 59 da Lei de xurisdición social, citar a Gam Noroeste, S.L. (actualmente Gam España Servicios de Maquinaria, S.L.U.), en ignorado paradoiro, co fin de que compareza na sala de vistas deste Xulgado do Social número 2, situado na rúa Monforte, s/n, edificio Xulgados, o día 3 de abril de 2014, ás 11.10 horas, para a celebración dos actos de conciliación e, se é o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que se intente valer, coa advertencia de que é única convocatoria e de que os actos non se suspenderán por falta inxustificada de asistencia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

En caso de que pretenda comparecer no acto de xuízo asistido de avogado ou representado tecnicamente por graduado social colexiado, ou representado por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo co obxecto de que, unha vez trasladada esta intención ao demandante, poida este estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto de xuízo de avogado, procurador ou graduado social colexiado.

E para que sirva de citación a Gam Noroeste, S.L. (actualmente Gam España Servicios de Maquinaria, S.L.U.), expídese esta cédula para a súa publicación no Boletín Oficial da provincia e colocación no taboleiro de anuncios.

A Coruña, 19 de decembro de 2013

A secretaria xudicial