De conformidade cos artigos 58, 59 e 60 da Lei 30/1992, do 26 de novembro, de réxime xurídico das administracións públicas e do procedemento administrativo común, despois de que se intentase en dúas ocasións a notificación persoal no último domicilio coñecido, e logo de comprobarse a desocupación da vivenda, notifícaselles ás persoas interesadas a resolución de pleno dereito do contrato e lanzamento da vivenda do procedemento de desafiuzamento administrativo que se detalla no anexo.

Pontevedra, 29 de novembro de 2013

(Decreto 317/2009, do 4 de xuño)
José Luis Díez Yáñez
Xefe territorial de Pontevedra

ANEXO

Expediente: P-073/13.

Adxudicataria: Ana Belén Collantes Vieiro.

Estado de ocupación: baleira.

Enderezo: Poboado mineiro de Fontao, vivenda 48, bloque 5, ALT L-D, Vila de Cruces, Pontevedra.

Asunto: resolución de pleno dereito do contrato e o lanzamento da vivenda contra Ana Belén Collantes Vieiro e demais ocupantes da vivenda identificada co expediente de construción PO-2001NR/01, conta 48.

Indicación do contido: acordar a resolución de pleno dereito do contrato e o lanzamento da vivenda de Ana Belén Collantes Vieiro, así como dos demais ocupantes da vivenda situada no Poboado mineiro de Fontao, vivenda 48, bloque 5, ALT L-D, Vila de Cruces, Pontevedra, que levará a cabo o funcionario do IGVS que se designe, con credencial para o efecto subscrita e asinada polo xefe territorial do Instituto Galego da Vivenda e Solo e coa preceptiva autorización xudicial para a entrada no domicilio de particulares na execución forzosa de actos da administración, incorporada ao expediente e co auxilio das Forzas de Seguridade do Estado, autonómicas ou locais.

Advírteselle aos interesados que, de conformidade co establecido no Regulamento de VPO, poderán evitar o lanzamento aboando o total da débeda no prazo de 15 días hábiles a partir do seguinte a aquel en que teña lugar a notificación ou a publicación, e achegando xustificante de atoparse ao día coa comunidade de propietarios.

Recursos: contra esta resolución, que esgota a vía administrativa, poderase interpoñer perante o xefe territorial da Consellería de Medio Ambiente, Territorio e Infraestruturas de Pontevedra recurso de reposición no prazo dun mes contado desde o día seguinte ao da súa recepción, conforme os artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben recurso contencioso-administrativo ante o xulgado competente, dentro dos dous meses seguintes ao da notificación desta resolución, segundo establecen os artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).