O presidente, actuando no nome e representación da entidade pública Portos de Galicia, segundo o previsto no artigo 6.3.a) da Lei 5/1994, do 29 de novembro, de creación da entidade pública Portos de Galicia, acorda dar publicidade á Resolución do 2 de xaneiro de 2013, relativa ao cambio de financiamento respecto dos seguintes expedientes de contratación, aprobados no ano 2012 e que actualmente se atopan en execución, que pasaron a ser cofinanciados nun 80 % do seu importe polo Fondo Europeo de Desenvolvemento Rexional (Feder) Galicia 2007-2013, medida 4.30. Portos:

1. Expedientes de contratación de obras, nos suxeitos a regulación harmonizada, mediante procedemento aberto e sistema multicriterio:

a) Clave: PO-13-04-12-01. Dique aboiante para o abrigo do porto do Xufre (A Illa de Arousa-Pontevedra). Estado do expediente: en execución.

b) Clave: PO-13-07-12-01. Acondicionamento de peirao no porto de Tragove (Pontevedra). Estado do expediente: en execución.

Esta publicación realízase para os efectos de dar cumprimento ás prescricións establecidas no Regulamento (CE) 1828/2006 da Comisión, do 8 de decembro de 2006 e no Regulamento (CE) 846/2009 da Comisión, do 1 de setembro de 2009.

En consecuencia, os contratistas das referidas contratacións quedarán suxeitos ao cumprimento das obrigas de información e publicidade comunitaria establecidas na citada normativa.

Santiago de Compostela, 11 de decembro de 2013

José Juan Durán Hermida
Presidente de Portos de Galicia