No número 5.b da Resolución do 28 de novembro de 2013, da entidade pública Portos de Galicia, publicada no Diario Oficial de Galicia número 231, do 3 de decembro de 2013, pola que se anuncia a licitación, mediante procedemento aberto e sistema unicriterio de valoración (factor prezo), tramitación ordinaria e expediente anticipado de gasto, da contratación da subministración de enerxía eléctrica aos centros de consumo pertencentes a Portos de Galicia, suxeita a regulación harmonizada, disponse que o prego de cláusulas administrativas particulares e especificidades técnicas (PCAPET) e o cadro de características do contrato (CCC) se poderán obter no perfil do contratante (www.contratosdegalicia.es/resultado.jsp?N=19912) e na web de Portos de Galicia (www.portosdegalicia.es)

Advertido erro no contido do PCAPET que rexerá a referida licitación, cómpre darlle publicidade á Resolución do 18 de decembro de 2013 pola que se acorda aprobar unha modificación do dito prego consistente en deixar sen efecto o disposto na súa cláusula 6.4, que queda suprimida do citado prego, e establecer que, respecto do momento de presentar a póliza de responsabilidade civil por parte do adxudicatario, se observará o disposto na cláusula 7.7 do prego.

– Obtención de información e da documentación corrixida (PCAPET):

1. Entidade: División de Contratación de Portos de Galicia.Teléfono: 881 88 16 45.

2. Enderezo na internet: http://www.contratosdegalicia.es/resultado.jsp?N=19912

– Prazo de presentación de proposicións:

Mantense o prazo de presentación de ofertas para participar na licitación convocada para adxudicar a contratación da subministración de referencia, que rematará o día 13 de xaneiro de 2014, ás catorce (14.00) horas.

– Data de envío do anuncio de modificación ao Diario Oficial de la Unión Europea: 19 de decembro de 2013.

Santiago de Compostela, 19 de decembro de 2013

José Juan Durán Hermida
Presidente de Portos de Galicia