De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible efectuar a notificación,

DISPOÑO:

1. Notificarlle mediante esta cédula a Granitos Ferrol & Narón, S.L. o Acordo do Xurado de Expropiación de Galicia do 1 de agosto de 2013, mediante o cal se resolve o recurso de reposición do predio número 13 Ar sito en Narón, relativo ao proxecto 01032, expediente 2011/001317, cuxos datos se relacionan no anexo.

2. Contra esta resolución que esgota a vía administrativa, a persoa interesada poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i ), 14.1 e 46 da Lei 29/1998, do 13 de xullo, reguladora da xurisdición contencioso-administrativa. O texto íntegro do acordo referido na presente cédula está á disposición do interesado nas dependencias do Xurado de Expropiación de Galicia, con enderezo no Edificio Administrativo de San Lázaro, s/n, 15703 Santiago de Compostela.

3. En consecuencia, para que conste e sirva de notificación, expido, asino e selo esta cédula.

Santiago de Compostela, 25 de novembro de 2013

Juan Carlos Argüello Fernández
Presidente do Xurado de Expropiación de Galicia

ANEXO

Proxecto para o cal se expropia: 01032-mellora da seguridade viaria na estrada AC-566 Narón (AC-862)-Campo do Hospital (AC-862), p.q. 1,150 ao 2,750.

Clave: AC/06/212.06.

Nº de expediente: 2011/001317.

Persoa que se notifica: Granitos Ferrol & Narón, S.L.

Expropiante: CPTOPT. Servizo Provincial de Estradas da Coruña.

Expropiada: Granitos Ferrol & Narón, S.L.

Beneficiario: CPTOPT. Servizo Provincial de Estradas da Coruña.

Predio nº: 13 Ar.

Concello: Narón.

Provincia: A Coruña.

Valoración da resolución do Xurado: 115.584,80 €.