De conformidade co disposto no artigo 15.1º da Lei 9/2007, do 13 de xuño, de subvencións de Galicia, e no artigo 22 da Resolución do 14 de xuño de 2013, pola que se establecen as bases e se convocan axudas para a realización, polas asociacións de nais e pais do alumnado, nos centros educativos de Galicia sostidos con fondos públicos, de programas de actividades complementarias e extraescolares que teñan como fin facilitar a conciliación da vida familiar e laboral, procédese á publicación das subvencións concedidas ao abeiro da citada Resolución do 14 de xuño de 2013.

Finalidade da axuda: favorecer e impulsar a conciliación do traballo e da vida familiar de mulleres e homes mediante axudas destinadas á realización polas asociacións de nais e pais do alumnado de programas de actividades complementarias e extraescolares.

Norma reguladora: Resolución do 14 de xuño de 2013 pola que se establecen as bases e se convocan axudas para a realización, polas asociacións de nais e pais do alumnado, nos centros educativos de Galicia sostidos con fondos públicos, de programas de actividades complementarias e extraescolares que teñan como fin facilitar a conciliación da vida familiar e laboral.

Crédito orzamentario: 103.723,40 euros.

Partida orzamentaria: 05.11.312G.481.0.

Cofinaciada ao 80 % con fondos FSE no programa operativo de Galicia 2007/2013, eixo 2, tema prioritario 69.

Entidades beneficiarias da subvención e importe concedido a cada unha delas: ver anexo.

A Coruña, 20 de novembro de 2013

María Barreiro Lázare
Xefa territorial da Coruña

ANEXO
Subvencións concedidas

Crédito asignado: 65.193,34 €.