Unha vez intentada a notificación persoal e devolta polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, reguladora do réxime xurídico das administracións públicas e do procedemento administrativo común, modificada pola Lei 4/1999, mediante esta cédula notifícanselles ás empresas relacionadas no anexo as resolucións ditadas nos expedientes sancionadores en materia de seguridade e saúde laboral e relacións laborais, para que poidan ter coñecemento desas resolucións os interesados nos expedientes.
Infórmase que as ditas resolucións non rematan a vía administrativa e que aos interesados os asiste o dereito a formular recurso de alzada, no prazo dun mes, contado desde o día seguinte ao de publicación desta cédula, ante a conselleira de Traballo e Benestar, segundo establecen os artigos 114 e 115 da citada Lei 30/1992, do 26 de novembro, modificada pola Lei 4/1999, do 13 de xaneiro. Así mesmo, infórmanse do seu dereito a consultar o expediente nas dependencias dos servizos centrais desta Consellería de Traballo e Benestar, na Dirección Xeral de Traballo e Benestar, sita en Santiago de Compostela, Edificio Administrativo de San Lázaro, sen número, e a obter copia do expediente, segundo o previsto na letra a) do artigo 35 da citada Lei 30/1992, do 26 de novembro.
Santiago de Compostela, 20 de novembro de 2013
Odilo Martiñá Rodríguez
Director xeral de Traballo e Economía Social
