Na sesión que tivo lugar o día 4 de decembro de 2013, o tribunal designado pola Orde do 21 de xaneiro de 2013 para cualificar o proceso selectivo para o ingreso, pola quenda de promoción interna, no corpo de xestión de administración da Xunta de Galicia, subgrupo A2, en execución da sentenza ditada polo Xulgado do Contencioso-Administrativo número 1 de Santiago de Compostela, o 29 de decembro de 2011, no recurso tramitado como procedemento abreviado número 41/2011, do 3 de xullo,

ACORDOU:

Primeiro. En execución da sentenza ditada polo Xulgado do Contencioso-Administrativo número 1 de Santiago de Compostela o 29 de decembro de 2011 no recurso tramitado como procedemento abreviado número 41/2011, aclarada mediante Auto do 29 de xullo de 2013, ditado no incidente de execución 38/2013, acordouse publicar como anexo a esta resolución a puntuación obtida pola aspirante, que superou o proceso selectivo, con indicación do seu documento nacional de identidade.

De acordo coa base IV, a aspirante dispón dun prazo de 20 días naturais, contados a partir do día seguinte ao da publicación no Diario Oficial de Galicia desta resolución para presentar a documentación prevista na epígrafe IV.2 da citada base.

Segundo. Elevar o anterior ao titular da Dirección Xeral da Función Pública, para os efectos de que a aspirante que figura no anexo sexa proposta para o seu nomeamento como funcionaria de carreira.

Contra esta resolución, a interesada poderá interpor recurso de alzada ante a conselleira de Facenda, no prazo dun mes, contado desde o día seguinte ao da publicación desta resolución no Diario Oficial de Galicia, conforme o disposto nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 4 de decembro de 2013

José Antonio Redondo López
Presidente do tribunal

ANEXO