Por Orde do 22 de xullo de 2013 aprobáronse as bases reguladoras da concesión de subvencións, en réxime de concorrencia competitiva, para o cofinanciamento de proxectos de prevención de drogodependencias e condutas adictivas promovidos por entidades privadas sen ánimo de lucro que desenvolven o seu labor no eido da prevencion das drogodependencias na Comunidade Autónoma de Galicia
De conformidade co artigo 15.1 da Lei 9/2007, do 13 de xuño, de subvencións de Galicia, e co Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, así como co especificado no artigo 15 da citada Orde do 22 de xullo de 2013 da Consellería de Sanidade (DOG nº 144, do 30 de xullo) pola que se aproban as bases reguladoras da concesión de subvencións para proxectos de prevención de drogodependencias e condutas adictivas promovidos por entidades privadas sen ánimo de lucro que desenvolven o seu labor no eido da prevención das drogodependencias na Comunidade Autónoma de Galicia, o órgano concedente publicará no Diario Oficial de Galicia, nos termos que se fixen regulamentariamente, as subvencións outorgadas, con expresión da convocatoria, o programa e o crédito orzamentario a que se imputen: o beneficiario, a cantidade concedida e a finalidade ou finalidades da subvención.
Así mesmo, o artigo 13 da citada orde establece que examinadas pola comisión de valoración constituída para o efecto as solicitudes presentadas, o órgano instrutor emitirá informe coa puntuación acadada por cada unha delas e este, pola súa vez, en cumprimento do artigo 14.1, elevará proposta definitiva á persoa titular da Consellería de Sanidade que, de conformidade co artigo 34 do Decreto 11/2009, do 8 de xaneiro, ditará a resolución definitiva. Esta resolución foi ditada pola conselleira de Sanidade o 9 de decembro de 2013, por proposta da titular da Dirección Xeral de Innovación e Xestión da Saúde Pública.
Na súa virtude, esta consellería
DISPÓN:
Artigo único. Ordenar a publicación das subvencións concedidas ao abeiro da Orde do 22 de xullo de 2013 pola que se aproban as bases reguladoras da concesión de subvencións, en réxime de concorrencia competitiva, para o cofinanciamento de proxectos de prevención de drogodependencias e condutas adictivas promovidos por entidades privadas sen ánimo de lucro que desenvolven o seu labor no eido da prevención das drogodependencias na Comunidade Autónoma de Galicia, así como daquelas subvencións non concedidas ou das solicitudes desestimadas, que se relacionan no anexo desta orde, con expresión das contías e nome dos beneficiarios e os motivos que deron lugar á súa non concesión ou desestimación.
Finalidade das subvencións: axudas ao desenvolvemento de proxectos de prevención de drogodependencias e condutas adictivas, nos ámbitos escolar, familiar, xuvenil e outros, recollidos na carteira de servizos en materia de prevención das drogodependencias da Dirección Xeral de Innovación e Xestión da Saúde Pública da Consellería de Sanidade, e de proxectos de prevención indicada dirixida á redución de riscos e diminución de danos en drogodependentes en situación de emerxencia social.
Santiago de Compostela, 9 de decembro de 2013
Rocío Mosquera Álvarez
Conselleira de Sanidade