Combustibles del Noroeste, S.A. solicitou licenza de construción de nave industrial e licenza de actividade de área de servizo (estación de servizo, taller e restaurante) que se situará no cuarteirón M5A, SUA 9, parque empresarial terciario Porto do Molle, Nigrán (expediente 13/0214SU).

De conformidade co artigo 8.3. do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un prazo de vinte (20) días mediante anuncio no DOG, BOP e exposición no taboleiro de anuncios deste concello, para que quen se considere afectado dalgún xeito pola actividade que se pretende establecer poida alegar o que considere oportuno. O prazo de exposición pública considérase aberto desde o día seguinte ao da publicación do primeiro anuncio e rematado transcorridos vinte días desde o día seguinte ao da publicación do último anuncio. O expediente estará á disposición do público e pódese consultar no Rexistro Xeral do Concello de Nigrán durante as horas de oficina.

Nigrán, 21 de outubro de 2013

Alberto Valverde Pérez
Alcalde