De conformidade co disposto no artigo 45.3 da Lei 7/2012, do 28 de xuño, de montes de Galicia, convócanse os posibles copropietarios á asemblea para a constitución da xunta xestora do monte abertal Louseiras, situado no barrio de Canedo, no concello de Lourenzá, que terá lugar o día 10 de xaneiro de 2014 no Salón de Actos do Concello de Lourenzá ás 20.30 horas, en primeira convocatoria, e ás 21.00 horas, en segunda convocatoria, de acordo coa seguinte orde do día:

1. Acordo de constitución da xunta xestora e aprobación de estatutos.

2. Elección dos membros integrantes da xunta xestora.

3. Solicitude de modificación catastral.

4. Rogos e preguntas.

A información relativa á dita asemblea estará dispoñible, para consulta, nas oficinas municipais do Concello de Lourenzá (relación de partícipes do monte Louseiras, documentación acreditativa da natureza xurídica do dito monte, modelo de estatutos, modelo de presentación de candidaturas).

Presentación de candidaturas para a constitución da xunta xestora:

Prazo: ata o 8 de xaneiro de 2014.

Lugar de presentación: oficinas municipais do Concello de Lourenzá (Lugo).

De conformidade co establcedio no artigo 45.5 da citada Lei 7/2012, a xunta xestora estará composta por un número impar de persoas, todas elas propietarias, cun mínimo de tres e un máximo de sete.

Lugo, 3 de decembro de 2013

José Ramón Losada Fernández
Xefe territorial de Lugo