O Pleno da Corporación, na sesión ordinaria que tivo lugar o día 31 de outubro de 2013, adoptou entre outros o seguinte acordo:
a) Aprobar inicialmente a modificación puntual do catálogo de bens culturais do Plan xeral de ordenación municipal, segundo o proxecto formulado polo Concello de Santiago a través dos servizos técnicos da Área de Urbanismo, que afecta os seguintes elementos:
Elemento catalogado |
Referencia catastral |
Propietario catastral |
D-070 Conxunto no Casal de Horta |
002200100NH35B0001ZW |
Hrs. Domingo Mallo Liste |
002200200NH35B0001UW |
Hrs. Concepción Mallo Vites |
|
002200300NH35B0001HW |
María Paz Movilla Mirelis |
|
D-070 bis Pazo de Lermo |
15079A129000010000QO |
Hrs. Carmen de Andrés Moreno |
F-134 Pombal en Lermo |
000200100NH34H0001BH |
Josefa Isaura Negro Fernández |
b) Someter o acordo a información pública, durante o prazo de dous meses, mediante anuncio no taboleiro de edictos do concello, no Diario Oficial de Galicia, e en dous xornais dos de maior difusión na provincia. Durante o citado período, o expediente estará á disposición de calquera persoa que desexe examinalo co obxecto da presentación das alegacións que se xulguen pertinentes.
c) Dar audiencia aos concellos limítrofes, simultaneamente e durante o mesmo prazo da información pública, e solicitar da Dirección Xeral de Patrimonio Cultural o informe previsto na lexislación aplicable.
O presente acordo determina automaticamente, por aplicación do disposto no artigo 77.2 da LOUG, a suspensión do outorgamento das licenzas que poidan resultar incompatibles coa nova ordenación proposta, durante o prazo máximo de dous anos contado desde a aprobación inicial.
Durante o prazo de dous meses, contado desde o día seguinte ao da publicación deste anuncio, os interesados poderán consultar o expediente, no Servizo de Planeamento e Xestión, e formular por escrito as alegacións que xulguen oportunas.
Santiago de Compostela, 7 de novembro de 2013
María Pardo Valdés
Concelleira da Área de Desenvolvemento Urbano e Sostible