En exercicio das competencias atribuídas pola Lei orgánica 6/2001, do 21 de decembro, de universidades, a Reitoría da Universidade de Vigo convoca dous procesos selectivos para:
– A contratación dun técnico especialista en electrónica de instrumentación científica e calibración.
– A ampliación da lista de espera da categoría de técnico superior de calidade.
A información completa pode consultarse no seguinte enderezo electrónico:
http://persoal.uvigo.es/persoal_gl/PAS/emprego/xerais/index.html, así como nos taboleiros de anuncios do Rexistro Xeral da Universidade (Edificio da Xerencia; Campus das Lagoas-Marcosende, Vigo) e dos rexistros auxiliares dos Campus de Ourense (Edificio Administrativo; Campus Universitario As Lagoas), Pontevedra (Escola de Enxeñaría Forestal, Campus Universitario A Xunqueira) e Vigo (Escola de Enxeñaría Industrial; r/ Torrecedeira, 86). Poden obter información e aclarar dúbidas a través do teléfono 986 81 37 62 (Negociado de Selección e Provisión, Servizo de Persoal de Administración e Servizos) ou do correo electrónico consultapas@uvigo.es
O prazo de presentación de solicitudes rematará o 9 de decembro de 2013.
Vigo, 20 de novembro de 2013
Salustiano Mato de la Iglesia
Reitor da Universidade de Vigo