De conformidade co disposto na Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril; a Lei 30/1992, do 26 de novembro, de réxime xurídico das administracións públicas e do procedemento administrativo común; Decreto 266/2002, do 6 de setembro, sobre contratación de profesorado universitario; os estatutos da Universidade de Santiago de Compostela, aprobados polo Decreto 28/2004, do 22 de xaneiro; a normativa pola que se regula a selección do persoal docente e investigador contratado e interino, aprobada por acordo do Consello de Goberno do 17 de febreiro de 2005 e modificada polos consellos de Goberno do 10 de maio de 2007, 19 de xullo de 2007 e 22 de xullo de 2009; o Convenio colectivo para o persoal docente e investigador laboral das universidades da Coruña, Santiago de Compostela e Vigo, subscrito con data do 26 de xaneiro de 2011 (DOG do 14 de abril) e as bases destas convocatorias, logo da autorización da Dirección Xeral de Planificación e Orzamentos, resolve proceder ao anuncio das convocatorias de concurso público nas seguintes categorías:
Prazas convocadas polo procedemento ordinario:
|
Categoría |
Santiago de Compostela |
Lugo |
|
Profesor asociado |
1 |
2 |
|
Profesor interino de substitución |
6 |
4 |
Prazas convocadas polo procedemento de urxencia:
|
Categoría |
Santiago de Compostela |
Lugo |
|
Profesor interino de substitución |
5 |
- |
As convocatorias, nas cales figuran as características de cada praza, poderá consultarse nos taboleiros de anuncios da Reitoría e da Vicerreitoría de Coordinación do Campus de Lugo. Así mesmo, poderanse consultar na web da Universidade de Santiago de Compostela www.usc.es/profesorado
A normativa pola que se rexen os concursos e as instancias están á disposición dos aspirantes na web indicada anteriormente, no Servizo de Planificación de Persoal Docente e Investigador, Colexio de San Xerome, praza do Obradoiro, s/n (Santiago de Compostela) e na Vicerreitoría de Coordinación do Campus de Lugo, praza Pío XII, nº 3 (Lugo).
O prazo de presentación de solicitudes é de quince días hábiles contados desde o día seguinte ao da publicación do anuncio no Diario Oficial de Galicia, e deberanse dirixir ao reitor no modelo oficial, obrigatoriamente acompañadas dos documentos acreditativos.
Santiago de Compostela, 20 de novembro de 2013
Juan José Casares Long
Reitor da Universidade de Santiago de Compostela
