Mª Jesús Cerdeiras Jaureguizar, en representación de Industrias Cerdeimar, S.L., solicitou licenza municipal para un complexo industrial conserveiro existente na avenida de Cedeira s/n de Camariñas. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente á información pública por un prazo de vinte días mediante anuncio no BOP, DOG e no taboleiro de anuncios deste concello, para que quen se considere afectado dalgún xeito pola actividade que se pretende establecer poida alegar o que considere oportuno. O prazo de exposición pública considerarase aberto desde o día seguinte ao da publicación do primeiro anuncio e rematará transcorridos vinte días desde o día seguinte ao da publicación do último anuncio.

O expediente estará á disposición do público na Secretaría do concello, durante as horas de oficina (de luns a venres, das 9.00 ás 14.00 horas).

Camariñas, 15 de novembro de 2013

Manuel Valeriano Alonso de León
Alcalde