Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Eléctrica Los Molinos, S.L., Elemol.

Domicilio social: avda. de Pontevedra, 14, baixo, 36820 Ponte Caldelas.

Denominación: LMTS de CT Portugalete a CT Pazos.

Situación: Ponte Caldelas.

Descricións técnicas: LMT subterránea a 20 kV con condutor RHZ1 de 745 metros de lonxitude, con orixe no centro de transformación Pazos, no cal se instala unha cela de liña, e final no centro de transformación Portugalete. A instalación está situada en Ponte Caldelas.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 10 de outubro de 2013

Ignacio Rial Santomé
Xefe territorial de Pontevedra