O Pleno do Concello de Ferrol, na sesión que tivo lugar o día 31 de outubro de 2013, aprobou a proposta de aprobación definitiva da modificación puntual do PP-4-R, promovida por Santiago Sur Galicia, S.L.
En cumprimento do disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, con data do 8 de novembro de 2013 foi remitida á Consellería de Medio Ambiente, Territorio e Infraestruturas unha copia autenticada de dous exemplares do instrumento de planeamento aprobado definitivamente cos planos e documentos que o integran.
Segundo o disposto no número 2 do artigo citado e o 70.2 da Lei 7/1985 de bases do réxime local, o texto íntegro da normativa obxecto da modificación puntual publicarase no Boletín Oficial da provincia.
Contra o acordo de aprobación definitiva da modificación puntual do PP-4-R poderase interpor recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ao da publicación deste anuncio.
O que se fai público para xeral coñecemento.
Ferrol, 8 de novembro de 2013
José Manuel Rey Varela
Alcalde