Encarnación Mercedes Tubío Lariño, secretaria xudicial do Xulgado do Social número 3 da Coruña, fago saber que no procedemento ordinario 1072/2011 deste xulgado do social, seguido por instancia de Eliseo Bolon Rodríguez contra a empresa Técnica Instalaciones Coruña, S.L., Fondo de Garantía Salarial, Administrador Concursal de Técnica Instalaciones Coruña, S.L. sobre ordinario, se ditou a seguinte resolución:

Ditame:

Que estimando a demanda interposta por Eliseo Bolon Rodríguez debo declarar e declaro o dereito da demandante a percibir as cantidades reclamadas polo concepto de salarios e, en tal sentido, debo condenar e condeno a empresa Técnicas Instalaciones Coruña, S.L. a que, estando e pasando por tal declaración, aboe a cantidade global de catro mil catorce euros con quince céntimos.

Debo absolver e absolvo o Fogasa ao non lle alcanzar ninguna responsabilidade nesta instancia.

Notifíqueselles esta sentenza ás partes advertíndolles que contra ela poderán interpor recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtaselle igualmente ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto (0030.1846) a nome deste xulgado co número 1533.0000.36.1072.11, acreditándoo mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co número 1533.0000.60.1072.11, a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso no momento de anuncialo.

Así, por esta a miña sentenza, definitivamente xulgando, o pronuncio, mando e asino.

Publicación. Lida e publicada foi a anterior sentenza pola maxistrada xuíza substituta que a ditou, encontrándose realizando audiencia pública no día da data, do cal dou fe.

E para que lle sirva de notificación en legal forma a Técnica Instalaciones Coruña, S.L., expido o presente para a súa inserción no Diario Oficial de Galicia.

A Coruña, 24 de outubro de 2013

A secretaria xudicial