Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: ampliación da MT da subestación troncal 132 kV.

Situación: Vigo.

Características técnicas: ampliación do parque de 15 kV da subestación troncal 132 kV, consistente na instalación de dúas celas de liña (blindadas, con illamento en aire e dobre xogo de barras), unha de simple saída e outra de dobre saída (na de dobre saída, unha delas queda de reserva). A instalación está situada na travesía de Vigo, Vigo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 18 de outubro de 2013

Ignacio Rial Santomé
Xefe territorial de Pontevedra