De conformidade co disposto no artigo 59.5 da Lei 30/1992, do 26 de novembro, de réxime xurídico das administracións publicas e do procedemento administrativo común, modificada pola Lei 4/1999, do 13 de xaneiro, notifícaselles ás persoas que se relacionan no anexo os acordos de iniciación de expedientes sancionadores por infracción en materia de xogo, por non ser posible a súa notificación por correo certificado.

Desígnanse instrutora e secretario do expediente a Isabel Santos-Ascarza Tabarés e Amador Fernández Lozano, respectivamente, que poden ser recusados en calquera momento da tramitación do expediente, de darse algún suposto dos que determina o artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Os interesados disporán dun prazo de quince (15) días, contados a partir do seguinte ao da publicación desta resolución, para poderen examinar o expediente, no Servizo de Xestión Técnico-Administrativa e Interior deste departamento territorial, sito na avenida da Habana, núm. 79-2º (Ourense), e para achegar por escrito cantas alegacións, documentos, informacións ou probas consideren convenientes na defensa dos seus dereitos; poderán recoñecer voluntariamente a súa responsabilidade, tal como establece o artigo 13.d) do Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto.

En virtude do disposto no artigo 32.1.a) e b) da Lei 14/1985, do 23 de outubro, modificada pola Lei 3/2002, do 29 de abril, a competencia para resolver o expediente sancionador corresponderalle ao director xeral de Emerxencias e Interior se a sanción consiste nunha multa de ata 60.000 euros.

Ourense, 18 de outubro de 2013

Marisol Díaz Mouteira
Xefa territorial de Ourense

ANEXO