A Resolución do 7 de marzo de 2013, publicada no Diario Oficial de Galicia núm. 53, do 15 de marzo, establece as bases para a concesión, en réxime de concorrencia competitiva, das subvencións a proxectos de renovación das instalacións de iluminación pública exterior existentes (ILE) nos concellos de Galicia e procede á súa convocatoria para o ano 2013.

No seu artigo 3 establécese o importe previsto para o financiamento das devanditas subvencións, a procedencia dos fondos, así como a posibilidade de ampliar os créditos dedicados a esta convocatoria, logo da declaración de dispoñibilidade de crédito.

Pola Resolución do 24 de abril de 2013, publicada no Diario Oficial de Galicia núm. 90, do 13 de maio, ampliouse en 350.000 €, procedentes de fondos propios do Inega, a dotación orzamentaria das bases reguladoras de aforro e eficiencia enerxética, a proxectos de renovación das instalacións de iluminación pública exterior existentes (ILE) nos concellos de Galicia para o ano 2013, pasando a contar esta liña de subvención cun crédito total de 3.978.104  €.

Mediante a Resolución do 19 de agosto de 2013, publicada no Diario Oficial de Galicia núm. 160, do 23 de agosto, modificouse o artigo 3 das bases reguladoras de aforro e eficiencia enerxética, a proxectos de renovación das instalacións de iluminación pública exterior existentes (ILE) nos concellos de Galicia para o ano 2013, en canto á procedencia dos fondos.

Pola Resolución do 26 de agosto de 2013, publicada no Diario Oficial de Galicia núm. 169, do 5 de setembro, ampliouse en 55.881,17 €, procedentes de fondos propios do Inega, a dotación orzamentaria das bases reguladoras de aforro e eficiencia enerxética, a proxectos de renovación das instalacións de iluminación pública exterior existentes (ILE) nos concellos de Galicia para o ano 2013, pasando a contar esta liña de subvención cun crédito total de 4.033.985,17 €.

Ante o atraso na transferencia no financiamento do Instituto para a Diversificación e Aforro da Enerxía (IDAE) para esta actuación e a dispoñibilidade de crédito procedente do Fondo Europeo de Desenvolvemento Rexional (Feder), no marco do programa operativo Feder Galicia 2007-2013 e de fondos propios do Inega, cómpre, en aplicación do artigo 31 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, modificar a distribución dos créditos orzamentarios consignados para o financiamento destas subvencións.

Consecuentemente con todo o anterior e en exercicio das facultades que me confire o artigo 8 da Lei 3/1999, do 11 de marzo, de creación do Instituto Enerxético de Galicia,

RESOLVO:

Primeiro. Modificar o artigo 3.1 das bases reguladoras no que se refire á redacción do último parágrafo e en canto á procedencia dos fondos que queda coa seguinte redacción:

«Dos cales 1.279.734,10 € proceden do convenio asinado entre o IDAE e Inega 2008-2012 para o exercicio 2012, 1.357.582,67 € de fondos comunitarios derivados do programa operativo Feder-Galicia 2007-2013, 339.395,63 € de fondos de compensación interterritorial que cofinancian para o exercicio 2013, 589.039,76 € de fondos de compensación interterritorial libres para o exercicio 2013 e 468.233,01 €, procedentes dos fondos propios do Inega. Trátase de actuacións desenvolvidas pola Xunta de Galicia (tramo autonómico) encadradas no eixe 4, medida 43, actuación 2, que se refire ao programa de axudas públicas para o uso racional da enerxía».

Segundo. Na táboa seguinte detállanse os fondos definitivos e a súa procedencia:

Terceiro. Mantéñense vixentes todos os artigos da Resolución do 7 de marzo de 2013, pola que se establecen as bases reguladoras e se anuncia a convocatoria de subvencións, de aforro e eficiencia enerxética, a proxectos de renovación das instalacións de iluminación pública exterior existentes (ILE), para o ano 2013, nos concellos de Galicia (DOG nº 53, do 15 de marzo), agás as modificacións feitas en virtude desta resolución.

Santiago de Compostela, 31 de outubro de 2013

Ángel Bernardo Tahoces
Director do Instituto Enerxético de Galicia