No uso das competencias atribuídas a esta secretaría xeral e en virtude do disposto nos artigos 84 e 59 da Lei 30/1992, de réxime xurídico das administracións públicas e do procedemento administrativo común (RXAP-PAC), ao seren devoltas polo servizo de Correos as notificacións enviadas no seu día polas que se lle comunica o inicio do trámite de audiencia, ao abeiro da Orde do 29 de decembro de 2010 pola que se establecen as bases reguladoras das axudas para a concesión de subvencións á promoción, produción e edición do libro galego, no que se refire á tradución para outras linguas de obras publicadas orixinariamente en galego e á tradución para o galego de obras publicadas orixinariamente noutras linguas, e se procede á súa convocatoria para o ano 2011 (DOG núm. 2, do 4 de xaneiro), modificada pola Orde do 5 de maio de 2011 (DOG núm. 101, do 26 de maio), infórmase do inicio do trámite de audiencia dos expedientes CT221C 2011/110 e CT221C 2011/111 e comunícaselle que pode alegar o que considere pertinente no prazo non superior a 15 días, contados desde o seguinte ao da data de publicación desta cédula, coa advertencia de que, de non facelo así, se procederá a ditar resolución de revogación e arquivamento dos expedientes.

Santiago de Compostela, 22 de outubro de 2013

Anxo Manuel Lorenzo Suárez
Secretario xeral de Cultura