O 17 de outubro de 2013 foi negociado e subscrito o texto inicial do convenio urbanístico de planeamento para a modificación do proxecto de ordenación do medio rural de Mondariz-Balneario no ámbito do espazo coñecido como xardíns do Gran Hotel. De conformidade co disposto no artigo 237 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública durante o prazo de vinte días, contados desde a publicación deste anuncio no Diario Oficial de Galicia.
Durante este prazo o texto inicial do convenio urbanístico poderá ser examinado, nas dependencias municipais do Concello de Mondariz-Balneario, por calquera interesado, para que se formulen as alegacións que se consideren pertinentes.
Mondariz-Balneario, 17 de outubro de 2013
José Antonio Lorenzo Rodríguez
Alcalde