De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 12, do 14 de xaneiro), notifícaselle ao titular que no anexo se menciona a proposta de resolución de expediente sancionador en materia de turismo por infracción da Lei 7/2011, do 27 de outubro, do turismo de Galicia, xa que intentada polos medios habituais non se puido practicar a notificación.

Os interesados disporán dun prazo de quince días conforme o disposto no artigo 19.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora (BOE núm. 159, do 9 de agosto), para formular as alegacións e presentar os documentos e informacións que consideren pertinentes perante o instrutor do procedemento; lémbraselles o seu dereito a consultar o expediente, depositado nos locais da Área Provincial da Coruña da Axencia Turismo de Galicia, sitos na rúa Vicente Ferrer, 2, 2º andar, A Coruña, en horario de atención ao público, e a obter, de ser o caso, as copias que consideren oportunas.

A Coruña, 21 de outubro de 2013

Mª Carmen Ramallal Molina
Xefa da Área Provincial da Coruña

ANEXO

Expediente: AC-58/13.

Denunciado: Óscar Romero Pérez.

NIF: 46897158C.

Establecemento: Bola 8.

Enderezo: rúa Polígono, 13.

Localidade: Cambre.

Precepto infrinxido: artigo 109.2, letra b) da Lei 7/2011.

Proposta de resolución: 13 de setembro de 2013.

Sanción: apercibimento.