Consonte o establecido no artigo 33 da Lei orgánica 2/1979, do 3 de outubro, do Tribunal Constitucional, modificado pola Lei orgánica 1/2000, do 7 de xaneiro, esta dirección xeral dispón a publicación do acordo que figura como anexo a esta resolución.
Santiago de Compostela, 15 de outubro de 2013
Gonzalo José Ordóñez Puime
Director xeral de Relacións Institucionais e Parlamentarias
ANEXO
Acordo da Comisión Bilateral de Cooperación Administración Xeral do Estado-Comunidade Autónoma de Galicia en relación co Real decreto lei 9/2013, do 12 de xullo, polo que se adoptan medidas urxentes para garantir a estabilidade financeira do sistema eléctrico
A Comisión Bilateral de Cooperación Administración Xeral do Estado- Comunidade Autónoma de Galicia na súa reunión celebrada o día 8 de outubro de 2013 adoptou o seguinte acordo:
1º. Iniciar negociacións para resolver as discrepancias manifestadas en relación cos artigos 1, números 1 e 2; artigo 3; e disposición adicional primeira do Real decreto lei 9/2013, do 12 de xullo, polo que se adoptan medidas urxentes para garantir a estabilidade financeira do sistema eléctrico.
2º. Designar un grupo de traballo para propoñerlle á Comisión Bilateral de Cooperación a solución que proceda.
3º. Comunicar este acordo ao Tribunal Constitucional para os efectos previstos no artigo 33.2 da Lei Orgánica do Tribunal Constitucional, así como inserir este acordo no Boletín Oficial del Estado e no Diario Oficial de Galicia.
Madrid, 8 de outubro de 2013
Cristóbal Montoro Romero Alfonso Rueda Valenzuela
Ministro de Facenda e Vicepresidente e conselleiro de
Administracións Públicas Presidencia, Administracións
Públicas e Xustiza