Convocada a provisión, polo sistema de libre designación, de varios postos de traballo vacantes na Consellería de Cultura, Educación e Ordenación Universitaria, mediante Orde do 10 de setembro de 2013 (DOG nº 184, do 26 de setembro), e de conformidade co establecido no artigo 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e no artigo 16 do Decreto 93/1991, do 20 de marzo, polo que se aproba o regulamento de provisión de postos de traballo, promoción profesional e promoción interna, e no uso das atribucións conferidas polo artigo 17.4 do referido decreto lexislativo, esta consellería
RESOLVE:
Primeiro. Adxudicarlles os destinos nos postos de traballo que se indica ás persoas funcionarias que se relacionan no anexo I da presente orde.
Segundo. O cesamento no destino actual das persoas que obtiveron as prazas producirase no prazo de tres días, contados a partir do seguinte ao da data da publicación desta orde no Diario Oficial de Galicia.
O prazo para a toma de posesión nas prazas adxudicadas será de tres días a partir do seguinte ao cesamento, de tratarse da mesma localidade onde actualmente a persoa funcionaria preste servizo, ou dun mes, se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima da convocatoria.
Terceiro. A xefatura do centro en que cause baixa a persoa funcionaria, así como a daquel en que obteña praza, realizará dentro dos prazos sinalados no punto anterior, as dilixencias de cesamento e toma de posesión, das cales se lle dará traslado á Dirección Xeral da Función Pública.
Contra esta orde, que lle pon fin á vía administrativa, poderase formular recurso potestativo de reposición ante o conselleiro de Cultura, Educación e Ordenación Universitaria no prazo dun mes que se contará a partir do día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou ben directamente un recurso contencioso - administrativo ante o xulgado do contencioso-administrativo competente no prazo de dous meses contados a partir do día seguinte ao da súa publicación, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 18 de outubro de 2013
P.D. (Orde do 25 de xaneiro de 2012)
Jesús Oitavén Barcala
Secretario xeral técnico da Consellería de Cultura,
Educación e Ordenación Universitaria
ANEXO
Apelidos e nome: José Daniel Buján Núñez.
NRP ou DNI: 3240960802 A0304.
Subgrupo: A1.
Corpo ou escala: corpo facultativo superior de arquiveiros bibliotecarios e arqueólogos da Xunta de Galicia.
Posto de traballo: xefatura do Servizo da Biblioteca de Galicia.
Código do posto: ED.301.00.001.15770.020.
Nivel: 28.
Centro directivo: Secretaría Xeral de Cultura - Sub. Xeral de Bibliotecas.
Localidade: Santiago de Compostela.
Apelidos e nome: Mª Josefa Piñón López.
NRP ou DNI: 3325463846 A206N.
Subgrupo: A2.
Corpo ou escala: corpo facultativo grao medio, axudantes de arquivos bibliotecas e museos, especialidade arquivos.
Posto de traballo: xefatura do Servizo do Sistema de Arquivos.
Código do posto: ED.301.00.002.15770.050.
Nivel: 28.
Centro directivo: Secretaría Xeral de Cultura - Sub. Xeral de Arquivos.
Localidade: Santiago de Compostela.
