Segundo consta no expediente, intentada a práctica da notificación a Gil Vázquez Vázquez, en relación cos expedientes sancionadores en materia de xogo L-8/12, OU-17/12 e C-2/13 que se relacionan no anexo que se xunta, non foi posible efectuala, polo que a Dirección Xeral de Emerxencias e Interior acorda proceder á notificación das ditas resolucións por medio da súa publicación no Diario Oficial de Galicia e no taboleiro de edictos do Concello de Lugo, ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 24/2001, do 27 de decembro).
O/A interesado/a poderá examinar as citadas resolucións completas no Servizo de Xogo da Dirección Xeral de Emerxencias e Interior, sito na rúa Roma, 25-27, de Santiago de Compostela, desde as 9.00 ás 14.00 horas, de luns a venres.
De acordo co disposto nos artigos 114 e 115 da Lei 30/1992, do 26 de novembro, modificados pola Lei 4/1999, do 13 de xaneiro, contra as resolucións dos expedientes indicados, que non esgotan a vía administrativa, poderá o interesado interpoñer recurso de alzada, ante o vicepresidente e conselleiro de Presidencia, Administracións Públicas e Xustiza, no prazo dun mes contado a partir do día seguinte ao da notificación desta resolución. O dito recurso ou calquera outro que xulgue pertinente ao seu dereito poderá interporse ante esta dirección xeral e/ou ante a Vicepresidencia e Consellería de Presidencia, Administracións Públicas e Xustiza.
Santiago de Compostela, 2 de outubro de 2013
Santiago Villanueva Álvarez
Director xeral de Emerxencias e Interior
ANEXO
Expedientes: L-8/12, OU-17/12 e C-2/13.
Interesado: Gil Vázquez Vázquez.
DNI/NIF: 34247993G.
Último domicilio coñecido: Camiño Pipín, 13, andar 1º, Lugo.
Data da resolución: 13 e 16 de setembro de 2013.
Tipificación e precepto infrinxido: grave.
Sanción: 3.000,01 euros.