Aprobado o prego de cláusulas administrativas particulares que rexerán a contratación do recuamento da liña aérea de media tensión VLG 807 Vilalonga-A Carabuxeira, anúnciase a convocatoria respectiva:

1. Obxecto: a execución da obra de recuamento da liña aérea de media tensión VLG 807 Vilalonga-A Carabuxeira conforme o proxecto redactado polo enxeñeiro municipal José María Troncoso Viñas.

2. Procedemento: aberto. Tramitación: ordinaria.

3. Prezo: 127.527,32 euros (IVE incluído).

4. Prazo do contrato: oito (8) semanas.

5. Clasificación do contratista: non se exixe, pero si como condición de solvencia técnica, que o licitador estea inscrito no Rexistro Integrado Industrial na categoría de liñas de alta tensión.

6. Garantías: provisoria, non se exixe. Definitiva: 5 % do importe total da adxudicación excluído o IVE.

7. Publicidade: anuncio no perfil do contratante na páxina web www.sanxenxo.es, no BOP e no DOG.

8. Presentación das ofertas: de luns a venres, das 9.00 ás 14.00 horas, e das 9.00 ás 13.00 horas os sábados, no Rexistro Xeral do concello durante o prazo de 26 días naturais desde o seguinte ao da última publicación do anuncio, sexa esta no BOP ou no DOG.

9. Mesa de contratación: reunirase en acto público, na sala de xuntas do Concello de Sanxenxo, para a apertura do sobre B o terceiro día hábil seguinte ao da data de finalización do prazo de presentación de ofertas.

10. Criterios de selección e adxudicación: cláusulas 9ª e 10ª dos pregos de cláusulas administrativas particulares que rexen esta contratación.

11. Órgano de contratación: Presidencia da Xerencia Municipal de Urbanismo do Concello de Sanxenxo.

12. Entidade e información: Concello de Sanxenxo, Sección de Contratación. Tel. 986 72 00 75.

13. Obtención de documentación: no Concello de Sanxenxo e na web www.sanxenxo.es, perfil do contratante.

Sanxenxo, 10 de outubro de 2013

Catalina González Bea
Presidenta da Xerencia Municipal de Urbanismo