Plaguicidas de Galicia, S.L. (Plagal) solicitou da Alcaldía licenza municipal de acondicionamento e actividade para a apertura dun establecemento dedicado a tratamento térmico de palés que se situará na Casilla, nº 20, Atios, desta localidade. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública por un período de vinte días hábiles, co fin de que durante este –que empezará a contarse desde o día seguinte ao da inserción do presente no Diario Oficial de Galicia e no Boletín Oficial da provincia de Pontevedra– poidan examinar o expediente AM/11/13, na Sección de Urbanismo deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

O Porriño, 12 de setembro de 2013

José Nelson Santos Argibay
Alcalde