De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á empresa Dengón Construcciones Servicios, S.L. a Resolución do 18 de xuño de 2013 ditada polo secretario xeral técnico da Consellería de Medio Ambiente, Territorio e Infraestruturas, en virtude das atribucións delegadas pola Orde do 15 de marzo de 2012 (Diario Oficial de Galicia núm. 58, do 23 de marzo) pola que se lle comisa parcialmente a garantía definitiva depositada para responder do cumprimento do contrato da obra de construción dunha edificación auxiliar destinada á xestión dos medios para recoller residuos urbanos na comarca de Navea-Bibei no concello da Pobra de Trives (expediente 14/2011) nun importe de 3.635,72 euros e se amplía o prazo de garantía ata que se realicen as reparacións necesarias para corrixir as deficiencias da obra, por resultar descoñecida a súa destinataria ou ben porque intentada a notificación non se puido efectuar.

De conformidade co establecido no artigo 61 da citada lei, a interesada dispón dun prazo de dez días hábiles, contados desde o día seguinte ao da publicación desta cédula, para examinar a resolución na Secretaría Xeral Técnica da Consellería de Medio Ambiente, Territorio e Infraestruturas, situada no Edificio Administrativo de San Caetano en Santiago de Compostela.

Fáiselle saber que contra a dita resolución, definitiva na vía administrativa, poderase interpoñer recurso potestativo de reposición perante o órgano que ditou esta resolución, no prazo dun mes contado a partir do día seguinte ao da finalización do prazo de dez días antes sinalado ou ao da comparecencia do interesado, se é o caso, ou directamente recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ao da finalización do prazo de dez días antes sinalado ou ao da comparecencia do interesado, se é o caso.

E para que conste e lle sirva de notificación á interesada, asino e selo esta cédula.

Santiago de Compostela, 2 de outubro de 2013

José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas