A Dirección de Augas de Galicia, como órgano de contratación, ao abeiro da Resolución do 30 de xaneiro de 2012, de delegación de competencias, ditada pola presidencia da entidade e de acordo co establecido no Decreto 32/2012, do 12 de xaneiro, polo que se aproba o Estatuto do ente público, contratou as seguintes actuacións:
1) Entidade adxudicadora:
Organismo: Augas de Galicia.
Dependencia que tramita o expediente: contratación.
Enderezo da internet do perfil do contratante:
http://www.contratosdegalicia.es/consultaOrganismo.jsp?N=216
Tamén se terá acceso ao perfil do contratante desde a Plataforma de Contratos Públicos de Galicia a través de http://www.xunta.es
Tipo de contrato: obra.
Tramitación: ordinaria.
Procedemento: aberto con varios criterios de valoración e non suxeito á regulación harmonizada.
Valor estimado dos contratos: coincide co importe neto do orzamento base de licitación.
Vantaxes das ofertas dos adxudicatarios: proposición economicamente máis vantaxosa por obter a maior puntuación total con base na aplicación dos criterios de valoración establecidos no prego de cláusulas administrativas particulares, nos que se inclúen as características que determinan a selección da súa oferta con preferencia ás dos restantes licitadores admitidos no procedemento de adxudicación correspondente.
2) Obxecto do contrato: obra.
a) Descrición: captación e bombeo á estación de tratamento de auga potable desde o río Fervenzas. Coirós (A Coruña).
Número de expediente: OH.215.998.
CPV (referencia de nomenclatura): 45232150-8 e 45232152-2.
Medio e data de publicación da licitación: DOG núm. 155, do 14 de agosto de 2012.
Orzamento base de licitación: importe neto: 163.714,90 euros. Importe total: 198.095,03 euros.
Data de adxudicación: 4 de setembro de 2013.
Importe de adxudicación: importe neto: 142.735,00 euros. Importe total: 172.709,35 euros.
Data de formalización do contrato: 27 de setembro de 2013.
Contratista: Proyecon Galicia, S.A.
b) Descrición: saneamento en Moreira. Soutomaior (Pontevedra).
Número de expediente: OH.336.997.
CPV (referencia de nomenclatura): 45232440-8.
Medio e data de publicación de licitación: DOG núm. 166, do 31 de agosto de 2012.
Orzamento base de licitación: importe neto: 159.975,72 euros. Importe total: 193.570,62 euros.
Data de adxudicación: 2 de setembro de 2013.
Importe de adxudicación: importe neto: 139.658,80 euros. Importe total: 168.987,15 euros.
Data de formalización do contrato: 27 de setembro de 2013.
Contratista: Aquagest Promoción Técnica y Financiera de Abastecimientos de Agua, S.A.
3) Cofinanciamento da Unión Europea.
As actuacións referidas no punto 2) anterior están cofinanciadas pola Unión Europea a través do Fondo Europeo de Desenvolvemento Rexional (Feder) nunha porcentaxe dun oitenta por cento (80 %), no marco do programa operativo Feder Galicia 2007-2013, eixe prioritario de intervención 3 medio ambiente, contorno natural, recursos hídricos e prevención de riscos.
En concreto, a obra indicada coa letra a) encádrase no tema prioritario ou medida 45: xestión e distribución de auga potable. Actuación 3.45.2: renovación, mellora, optimización e desenvolvemento de novas infraestruturas de abastecemento tales como presas, pequenos encoros, captacións, depósitos reguladores, estacións de tratamento de augas potables, redes de distribución e sistemas de automatización e control e a indicada coa letra b) encádrase no tema prioritario ou medida 46: tratamento da auga (auga residual). Actuación 3.46.2: mellora, ampliación e optimización das redes de colectores de saneamento e pluviais existentes así como de emisarios. Unha maneira de facer Europa.
4) Outras informacións.
As adxudicacións dos citados contratos, en cumprimento do artigo 151 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, e conforme o disposto no prego de cláusulas administrativas particulares, foron debidamente notificadas aos licitadores e publicadas no perfil do contratante.
O que se fai público para os efectos previstos no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
Santiago de Compostela, 1 de outubro de 2013
P.D. (Resolución do 30.1.2012, DOG nº 21, do 31 de xaneiro)
Francisco Menéndez Iglesias
Director de Augas de Galicia
