Convocada a provisión, polo sistema de libre designación, dun posto de traballo vacante na Consellería de Traballo e Benestar, mediante Orde do 14 de maio de 2013 (DOG nº 109, do 10 de xuño), de conformidade co establecido nas bases quinta e sexta da referida orde, esta consellería
RESOLVE:
Primeiro. Adxudicarlle destino, no posto de traballo que se indica, ao laboral fixo/a que se expresa no anexo desta orde, seleccionado conforme o establecido nas bases da convocatoria, realizada por Orde desta consellería do 14 de maio de 2013.
Segundo. O cesamento no actual destino do laboral fixo/a que obtivo praza producirase no prazo de tres días, ao cesar o adxudicatario do posto convocado, o cal disporá, para tomar posesión, dun prazo de tres días, se o destino do novo posto radica na mesma localidade da residencia habitual ou dun mes se radica en localidade distinta e supón un cambio efectivo de residencia debidamente xustificada do traballador/a. Se na data de cesamento ou de inicio do cómputo do prazo posesorio o persoal está gozando dun período de licenza, vacacións ou permiso, o cómputo destes comenzará o día seguinte ao da reincorporación ao posto de traballo.
O prazo posesorio considerarase, para todos os efectos, como de servizo activo.
Terceiro. O xefe do centro en que cause baixa o laboral fixo/a, así como o daquel en que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión, das cales se dará traslado, mediante copia, á Dirección Xeral da Función Pública.
Cuarto. Contra esta orde, que esgota a vía administrativa, os/as interesados/as poderán interpoñer recurso potestativo de reposición perante esta consellería, no prazo dun mes contado desde o día seguinte ao da súa publicación no DOG, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 1 de outubro de 2013
Beatriz Mato Otero
Conselleira de Traballo e Benestar
ANEXO
Apelidos e nome: Vázquez Méndez, José.
NRP: 4481076013L145100072.
Grupo: I/II.
Categoría: D.
Denominación do posto: director/a administrador/a.
Código: TR.C99.40.501.36050.001.
Dependencia: Centro Ocupacional O Saiar (Caldas de Reis).
Localidade: Caldas de Reis.
C. singularidade: 4.123,92 €.
Observacións: B10//B18//funcións de dirección e animación sociocultural.
(D) Categorías 1, 4, 6 e 31 do grupo I e categorías 1, 4, 6, 7, 21, 30 e 37 do grupo II do V Convenio colectivo para o persoal laboral da Xunta de Galicia.