Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Electra Alto Miño, S.A.
Domicilio social: polígono industrial Chan da Ponte; parcela 19, 36450 Salvaterra de Miño.
Denominación: LMT, CT e RBT Budiño-Poxeira.
Situación: O Porriño.
Características técnicas: LMT aérea a 20 kV con condutor LA-56 de 37 metros de lonxitude, con orixe no apoio nº 7 da LMT xeral Budiño-Casal e final no apoio HV-1600/15, do cal continúa subterránea 470 metros, con condutor RHZ1, ata o CT proxectado. Centro de transformación intemperie de 100 kVA, RT 20 kV/400-230 V, situado en Poxeira, San Salvador de Budiño, O Porriño. Liñas de BT aéreas cunha lonxitude total de 550 metros.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 11 de setembro de 2013
Ignacio Rial Santomé
Xefe territorial de Pontevedra