Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Electra Alto Miño, S.A.

Domicilio social: polígono industrial Chan da Ponte, parcela 19, 36450 Salvaterra de Miño.

Denominación: reforma LMT xeral Oleiros, Salvaterra, Salceda, 2º circuíto, 4ª fase.

Situación: Salvaterra de Miño.

Descricións técnicas: LMT a 20 kV en tres tramos, dous subterráneos con condutor RHZ1 e un aéreo con condutor 147-AL1/34-ST1A (LA-180).

1. Subterráneo: 396 metros, con orixe no apoio nº DC6 da LMT Oleiros, Salvaterra, Salceda e final no apoio nº 1 de dita liña.

2. Aéreo: 1.976 metros, con orixe no apoio nº 1 da LMT Oleiros, Salvaterra, Salceda e final no apoio nº 19 desta.

3. Subterráneo: 305 metros, con orixe no apoio nº 19 da LMT Oleiros, Salvaterra, Salceda e final no centro de interconexión polígono Salvaterra.

A instalación está situada en San Lourenzo e Oleiros, Salvaterra de Miño.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 11 de setembro de 2013

Ignacio Rial Santomé
Xefe territorial de Pontevedra