Nesta secretaría xeral recibiuse escrito do presidente da Sección Segunda da Sala do Contencioso-Administrativo do Tribunal Superior de Xustiza de Galicia, en relación co recurso contencioso-administrativo número 4503/2013 interposto por Modesto de Francisco Regueiro, contra a Resolución do 7 de decembro de 2012, da aprobación definitiva do Plan xeral de ordenación municipal de Verín (Ourense).
Para os efectos de cumprir o solicitado no devandito escrito, faise constar que o expediente xa foi remitido por esta secretaría, á Sección Segunda do Tribunal Superior de Xustiza de Galicia o 16 de setembro de 2013.
O que se notifica para xeral coñecemento de todas as persoas interesadas no procedemento, ás cales son emprazadas para que poidan comparecer como demandados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 1 de outubro de 2013
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas