Iniciouse o expediente para a ampliación e legalización do cemiterio parroquial de San Pedro das Maus, por instancia das comunidades de montes en man común das Maus, Porto e Alemparte. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, e do artigo 52 do Decreto 134/1998, do 23 de abril, sobre policía sanitaria mortuoria, sométese a información pública polo prazo de vinte días mediante anuncio no Diario Oficial de Galicia e no Boletín Oficial da provincia de Ourense e exposición no taboleiro de anuncios do concello.

Durante o dito prazo, o expediente poderá ser examinado por calquera interesado nas dependencias municipais para que se formulen as alegacións que se consideren pertinentes.

Vilar de Barrio, 10 de setembro de 2013

Julio Pérez Carballo
Alcalde