O Plan de seca da demarcación hidrográfica de Galicia-Costa elaborouse para dar cumprimento ao previsto no artigo 26 da Lei 9/2010, do 4 de novembro, de augas de Galicia e no Plan hidrolóxico da demarcación hidrográfica de Galicia-Costa, aprobado polo Real decreto 1332/2012, do 14 de setembro.
Este plan ten por obxectivo xeral minimizar os efectos negativos ambientais, económicos e sociais de eventuais situacións de seca, no ámbito da demarcación hidrográfica de Galicia-Costa, a través das medidas que nel se conteñen.
Con fundamento no exposto, o plan foi aprobado polo Consello da Xunta de Galicia na súa reunión do día 1.8.2013, polo que,
RESOLVO:
Facer público o acordo do Consello da Xunta de Galicia, adoptado na súa reunión do día 1.8.2013, que a continuación se transcribe:
«Aprobar o Plan de seca da demarcación hidrográfica Galicia-Costa».
O texto do dito plan estará a disposición pública na páxina electrónica do organismo de bacía: www.augasdegalicia.es
Santiago de Compostela, 5 de setembro de 2013
Francisco Menéndez Iglesias
Director de Augas de Galicia