O artigo 6.b) da Lei 4/1994, do 14 de setembro, de estradas de Galicia, atribúe ao Consello da Xunta de Galicia a competencia para aprobar a relación e clasificación das estradas de titularidade das entidades locais, na falta do correspondente plan.

Con data do 2 de maio de 2013, a Deputación Provincial de Ourense, por instancia do Concello de Manzaneda, solicitou á Xunta de Galicia a aprobación da relación de estradas de titularidade municipal do devandito concello, coa petición de que fosen consideradas, para os efectos de clasificación, como redes secundarias, segundo o artigo 10.4 da Lei 4/1994, do 14 de setembro, de estradas de Galicia.

Posteriormente, o 12 de agosto de 2013 a Axencia Galega de Infraestruturas emite informe favorable á proposta da rede do Concello de Manzaneda.

Na súa virtude, por proposta do conselleiro de Medio Ambiente, Territorio e Infraestruturas e logo da deliberación do Consello da Xunta de Galicia na súa reunión do día doce de setembro de dous mil trece,

DISPOÑO:

Artigo único

Aprobar a relación de estradas de titularidade municipal do Concello de Manzaneda, que figura como anexo ao presente decreto, clasificadas como estradas secundarias, ao abeiro do artigo 10 da Lei 4/1994, do 14 de setembro, de estradas de Galicia.

Anexo:

Inclúese no anexo que acompaña este decreto unha relación de estradas en que concorren as circunstancias aludidas. Así mesmo, na páxina web da Consellería de Medio Ambiente, Territorio e Infraestruturas (http://www.cmati.xunta.es/tema/c/Infraestruturas_Estradas), atópase á disposición dos interesados un plano onde quedan reflectidas as estradas que se aprobarán como de titularidade municipal do Concello de Manzaneda.

Santiago de Compostela, doce de setembro dous mil trece

Alberto Núñez Feijóo
Presidente

Agustín Hernández Fernández de Rojas
Conselleiro de Medio Ambiente, Territorio e Infraestruturas

ANEXO
Relación de estradas municipais