O 27 de maio de 2013 (DOG núm. 99) fíxose pública a Resolución do director xeral do Igape do 9 de abril pola que se publica a formalización do contrato de servizos de diagnóstico competitivo, profesionalización e desenvolvemento estratéxico a empresas dentro do Plan Re-acciona, cofinanciado polo Fondo Europeo de Desenvolvemento Rexional un 70 %, programa operativo Feder Galicia 2007-2013, eixe 2, tema prioritario 2.09.
Mediante a Decisión C (2012) 1621 da Comisión Europea, do 27 de marzo de 2012, que modifica a Decisión C (2007) 6079 pola que se adopta o programa operativo de intervención comunitaria do Fondo Europeo de Desenvolvemento Rexional no marco do obxectivo de converxencia na Comunidade Autónoma de Galicia en España, no marco do programa operativo Feder Galicia 2007-2013, modificouse a porcentaxe de cofinanciamento europeo para o dito programa, que pasou a ser dun 80 % en vez dun 70 %.
Polo anterior, e en virtude da delegación de facultades ao meu favor, conferida por acordo do Consello de Dirección do Igape do 29 de marzo de 2012 (DOG núm. 78, do 24 de abril),
RESOLVO:
Rectificar a referencia ao cofinanciamento polo Fondo Europeo de Desenvolvemento Rexional (Feder) sinalada na resolución referida nos seguintes puntos do anuncio:
Na cabeceira do anuncio, que debe dicir:
Resolución do 9 de abril pola que se fai pública a formalización do contrato de servizos de diagnóstico competitivo, profesionalización e desenvolvemento estratéxico a empresas dentro do Plan Re-acciona, cofinanciado nun 80 % polo Fondo Europeo de Desenvolvemento Rexional (Feder), programa operativo Feder Galicia 2007-2013, eixe 2, tema prioritario 2.09.
No número 4 do anuncio, que debe dicir:
4. Orzamento máximo de licitación: importe total 3.049.000 €, máis IVE, total de 3.597.820 €, dos cales 1.524.500 €, máis IVE, total de 1.798.910 €, corresponde no prazo de vixencia inicial (12 meses) e 1.524.500 €, máis IVE, total de 1.798.910 €, ao prazo da prórroga (12 meses), cofinanciado nun 80 % polo Fondo Europeo de Desenvolvemento Rexional (Feder), programa operativo Feder Galicia 2007-2013, eixe 2, tema prioritario 2.09.
Santiago de Compostela, 6 de setembro de 2013
Javier Aguilera Navarro
Director xeral do Instituto Galego de Promoción Económica