Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 353/2013 por instancia de Carlos González Espada contra Estructuras y Obras de Galicia, S.L. (Esoga, S.L.), a administración concursal de Esoga, S.L., Construcciones Pepe, S.L., e o Fondo de Garantía Salarial, sobre despedimento, nos cales recaeu sentenza o 2 de xullo de 2013 que, copiada nos particulares necesarios, di así:
Ditame:
Estímase a demanda formulada por Carlos González Espada fronte a Estructuras y Obras de Galicia, S.L., a súa administración concursal, Construcciones Pepe, S.L., con intervención do Fondo de Garantía Salarial e, en consecuencia:
– Declárase improcedente o despedimento efectuado pola demandada, Estructuras y Obras de Galicia, S.L., ao demandante.
– Enténdese, ante a imposibilidade de readmisión, feita a opción pola indemnización.
– Declárase a extinción, con data da presente resolución, da relación laboral que unía o demandante con Estructuras y Obras de Galicia, S.L.
– Condénase a Estructuras y Obras de Galicia, S.L. a aboar a Construcciones Pepe, S.L., en concepto de indemnización, a cantidade de corenta e seis mil novecentos quince euros con trinta e nove céntimos de euro (46.915,39 euros).
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social, ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Construcciones Pepe, S.L. expido e asino a presente.
A Coruña, 4 de setembro de 2013
A secretaria xudicial