Finalizado o prazo para presentar a solicitude e realizada a baremación dos méritos, procede a publicación das puntuacións provisionais e a relación de excluídos provisionais por medio deste anuncio e na páxina web desta consellería.
En consecuencia, esta dirección xeral
RESOLVE:
Primeiro. Facer públicas no anexo deste anuncio e na páxina web (http://www.edu.xunta.es) as puntuacións provisionais (coa relación provisional de candidatos seleccionados e a relación provisional de candidatos non seleccionados de conformidade co especificado no punto III do baremo, publicado no anuncio da convocatoria) e a relación de excluídos provisionais do baremo para prazas de interinidades e substitucións para impartir docencia no corpo de profesores de música e artes escénicas nas especialidades especialidades de Espazo escénico (594448) e Iluminación (594450).
Segundo. Contra estas puntuacións provisionais e relación provisional de excluídos poderá interpoñerse reclamación no prazo de dez días naturais, a partir do día seguinte ao da publicación deste anuncio no DOG, ante o director xeral de Centros e Recursos Humanos da Consellería de Cultura, Educación e Ordenación Universitaria.
Santiago de Compostela, 9 de setembro de 2013
José Manuel Pinal Rodríguez
Director xeral de Centros e Recursos Humanos