Gumersindo Fernández Díaz, en representación de Cooperativa O Xeixo, solicitou desta alcaldía licenza municipal para a instalación dunha unidade de subministración de combustibles que se situará no Carrizal (A Regueira). En cumprimento do disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este, que comezará a contarse desde o día seguinte ao da última publicación deste edicto no Boletín Oficial da provincia e no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que se xulguen oportunas.
A Pastoriza, 11 de setembro de 2013
Primitivo Iglesias Sierra
Alcalde