No Xulgado do Contencioso-Administrativo número 4 da Coruña tramítase o procedemento abreviado núm. 91/2013, interposto por José Manuel Asorey Brandariz contra a Resolución do 21 de febreiro de 2013 pola que se desestima o recurso de alzada interposto polo recorrente contra o Acordo do 26 de outubro de 2012, do tribunal cualificador das probas selectivas para a provisión dunha praza de arquitecto xefe de servizo, convocadas por Resolución do 7 de decembro de 2011.

Notifícase isto, para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, contado a partir do seguinte ao da publicación desta resolución no Diario Oficial de Galicia, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

A Coruña, 11 de setembro de 2013

Xosé Luís Armesto Barbeito
Reitor da Universidade da Coruña