A Dirección de Augas de Galicia como órgano de contratación, ao abeiro da Resolución do 30 de xaneiro de 2012 de delegación de competencias ditada pola presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública, e para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, procede a dar publicidade á actuación que a continuación se relaciona en previsión do seu cofinanciamento pola Unión Europea:

1) Entidade encomendante:

Organismo: Augas de Galicia.

Actuación: obra.

Tipo de tramitación: encomenda de xestión á Empresa de Transformación Agraria, S.A. como medio propio instrumental e servizo técnico do poder adxudicador.

2) Obxecto da encomenda: obra.

Título: melloras do saneamento das parroquias de Padróns e Prado no concello de Ponteareas, e de Arnela-A Chaleira no concello de Mondariz.

Clave do expediente: OH.336.1072.

Descrición: o obxectivo xeral desta obra é dotar e mellorar o saneamento nas parroquias de Padróns e Prado no concello de Ponteareas, e de Arnela-A Chaleira no concello de Mondariz para que alcance a totalidade da poboación.

Orzamento: importe neto: 867.152,65 euros. Importe total: 1.049.254,71 euros.

Data da formalización da encomenda de xestión: 8 de xullo de 2013.

3) Cofinanciamento da Unión Europea.

A actuación referida está incluída dentro do proxecto «Impulso dunha rede intercomunitaria de excelencia ambiental mediante a rehabilitación de ecosistemas fluviais naturais con fins turísticos», con código 0476_AQUATURNAT_1_E, aprobado a raíz da 2ª convocatoria do programa operativo de cooperación transfronteiriza España-Portugal (Poctep) 2007-2013.

Esta actuación encádrase dentro do eixe prioritario de cooperación e xestión conxunta en ambiente, patrimonio e contorno natural, comprendido dentro do citado programa operativo, cunha porcentaxe de cofinanciamento comunitario do 75 % procedente de fondos Feder.

Santiago de Compostela, 28 de agosto de 2013

P.D. (Resolución 30.1.2012; DOG nº 21, do 31 de xaneiro)
Francisco Menéndez Iglesias
Director de Augas de Galicia